Poems of wislawa szymborska


This polish poet is very important for me. Her lines has changed my of thinking. She is so soft to touch and so pinning to ignore. Here is some of her lines, which i like most. It is in hindi translated by vijaya ahluwalia.

O wani, khafa na hona
ki maine tujhse udhar liye
chattano se bhari shabd
fir ta-jindagi unhe tarashti rahi
is koshish main
ki we paron se halke lagen.
---------
Mera yakeen hai inkaar karne ki takat main
Mera yakeen hai kamyabi ka rasta chhodne walon main,
Mera yakeen hai barson ki barbad mehnat main.

Mera yakeen hai ek mahan khoj main
Mera yakeen hai us aadmi main jo yah khoj karega.
---------
Beeti huyee muhabbaton, maaf karna mujhe
ki main har naye pyar ko
pahala pyar manti rahi;
apne gharon ko phoolon se sajaati rahi
jab ki door kahin morche aag ugal rahe the.
Barson se ris rahe ghawon se anjaan
main apni ungaliyon ki jara si chubhan se ro padi.
---------
Ek din kisi ne yoon hi
baaton-baaton main le liya tha tumhara naam
aurmujhe laga kamare main gulab hi gulab khil uthe hon.
Agle din tum mere saath the
aur meri najar anayas ghari par pad rahi thi.
sare gulab na jane kab patthar ban gaye the.
---------
Main nahi chahati ki laharon ka jhaag
mere ishare par ubhare aur doob jaye,
main nahi chahti ki jangle mere liye apne rang badale
--- kabhi hara, kabhi neela, kabhi bhoora hota chala jaye.

Main ji chuki hoon
Tumhare bin--- tumhare baad bhi.
itna jyada jee chuki hoon
ki door khade dekh sakoon
sab kuch ko
nirlipt aur nissang.
--------
Jeev-jantu hamesha ochhi maut marte hain
Taki hamare man ki shanti bhang na ho
we swargwasi anhi hote, sirf mar jate hain.
we apne peechhe bahut chhoti si duniya.
--------
Saugaat main kuch nahi milta
Jo bhi hai karj hai
sir se pairtak karj main doobe hain hum.
Apne astitwa ka karj chukana hai
swatwa dekar,
Jindagi ke liye jaan deni hogi.
--------
Deh kee awmanna nahi hai
Maut?
wah kewal neend main aayegi
jaise use aana chahiye
dabe pairon.

gulabon se bhi komal maut.

hamesha maun rahegi
pankhudi ke girane se bhi halaki
jab aayegi
tab tum sapana dekh rahe hoge
ki ab tumhe saans lene ki jaroorat nahi.
swasheen khamoshi andhere ka sangeet hai
bujhati huyee chingari ki lay ka hissa.
--------
Badla kuch bhi nahi.
deh aaj bhi kaapti hai usi tarah
jaise kaapti thi
rome ke basne se pahle aur baad
isha ke bees sadi pahle aur baad
yatnayen wahi ki wahi hain
sirf dharati sikur gayi hai
kahin bhi kuch hota hai
to lagta hai hamare pados main hua hai.
--------
hamne socha tha ki
akhirkaar khuda ko bhi
ek achchhe aur takatwar insan main
bharosa karna hoga
lekin afsos
is sadi main insan achchha aur takatwar
ek saath nahi ho saka.

Comments